【本報訊】銅芯口罩由設計外觀、尺寸以至效能均受外界質疑，有護老中心發出通告，表示已收到一批銅芯口罩，但由於口罩難以清洗，建議院友外診時使用一次性口罩，再證港府口罩大而無當。化學博士K.Kwong（圓圖）同意，長者不懂如何徹底清潔口罩，「你用一次性尿片好呀，定係用完要再洗嘅尿片好呀？」
康樂園護老中心向院友家屬發出通告，表示該中心已收到政府運來的銅芯口罩。不過此類口罩的過濾效能要嚴謹的清洗及晾乾，不能隨意與院友的衣物一起機洗，或隨意折叠、掛起晾乾等，令院方難於處理，在集體清洗晾乾的過程中亦容易混淆和遺失，建議院友如需外出，使用一次性口罩較佳。
指清洗困難濾芯有窿
港大化學系博士K.Kwong也曾嘗試清洗銅芯口罩，結果個多小時才能令口罩全乾透，「由於唔可以扭佢，一扭就爛，但入面啲番梘水又滑潺潺，由洗濕到整啲番梘水出嚟，都整咗幾個字」，隨後更要用風筒將口罩弄乾。他認為，此口罩清洗的複雜程度，長者未必能完全掌握，「你用一次性尿片好呀，定係用完要再洗嘅尿片好呀？你咁樣思考囉」。
他昨日與專家團隊再發現口罩有嚴重設計錯誤，「因為佢用針縫呀，咁你個filter（濾芯）都拮穿咗，即係有窿囉！鬧劇嚟㗎根本！」加上解剖口罩後發現雖然當中有四層，但真正有過濾效能的只有一層。他揚言自己一定不會使用此口罩，「我用紙巾都好過佢。」
負責社區院舍的職工盟組織幹事曾紀南說，院舍難以為銅芯口罩做清洗工作，「入面係集體生活、集體住宿，同事好難個別幫佢哋個別咁處理」。他強調，口罩絕不能與長者衣物、其他口罩一同清洗，但每個口罩一式一樣，院舍工作人員比較難處理，「仲要搵專人去處理佢，我哋未必騰到人手去做呢啲工作。」他解釋，除了清洗工序繁複，長者如何使用該口罩亦會影響其功效，因此一次性口罩是比較方便，「對老人家同家人都易啲handle（處理），特別係老人家自理能力未必太好。」
社福界立法會議員邵家臻形容，港府是次派口罩如同倒錢落海，「用咗八億但原來防唔到菌」，加上不少基層市民原本對派口罩充滿期望，「但點知出到嚟都係要自己買返一次性（口罩），好似玩人咁。」
■記者盧珮瑤