郭富城昨日在演唱會中有提及早前離世的媽咪，提到當年成立自己的慈善基金，是受媽咪影響，城城說：「我覺得慈善係我終身嘅義務，細個時媽咪帶我去做義工，當我哋幫助人哋嘅時候，我哋都得到好多快樂。」提到今日是母親節，城城有感而發：「雖然佢𠵱家已經離開咗我，但佢永遠都喺我心裏面，同埋佢知道我會繼續行善。」之後他唱出《不老的情歌》送給天下母親，其間說：「喺呢個世界上面好多嘢都會變老，唯獨係母親對自己嘅愛，係永遠都唔會老。」說畢他向天送飛吻，接着唱出《愛的呼喚》時一度用手抹眼，不知是抹眼淚還是抹汗。
城城之後受訪，問他是否憶及媽咪而喊？他謂：「我一生最愛就係媽咪，母愛真係好偉大，我成為父親後心態亦都會轉變，自己好懷念媽咪，佢功成身退百年歸老離開咗，自己都好唔捨得佢。」此時他一度眼泛淚光。