黃澤鋒一家三口齊齊整整，相對張慧儀和養子Hanson，張慧儀由2006年在孤兒院見到Hanson一刻，多年來視如己出。雖然親生父母缺席，Hanson一樣有完整的愛。
同度多年母親節，今年張慧儀兩母子在農曆年返回祖家馬來西亞過年，因大馬封城已三個月未返港。人在大馬避疫，反而造就了三代同堂過母親節的機會，「馬來西亞𠵱家有行動管制令lockdown，我哋邊度都去唔到，只能夠留喺屋企！今年因為疫情關係，造就咗三代同堂一齊過母親節。會點過呢？都唔會出街，亦都唔出得街，我哋喺屋企啦，簡簡單單食餐飯，同埋我媽媽，其實只要一家人健健康康，乜都冇問題！」
16歲Hanson在大馬家一點也不悶，「Hanson唔會悶，因為屋企呢度比香港大啲，佢可以喺花園活動，又可以餵下魚，喺出面花園畀佢打下功夫，伸下筋骨！」
說到最難忘的母親節，張慧儀說：「我覺得係2019年，因為2019年係Hanson手術之後康復，我哋過嘅母親節，我同兒童心臟基金會，一齊去籌備咗一個活動，好有意義同難忘！Hanson兩年前送嘅禮物都令我好難忘，佢砌好多puzzle，有一個向日葵，梵高向日葵嗰幅畫同埋其他海洋世界嘅puzzle，佢送畀我同我媽媽，令我好感動！」
生娘不及養娘大。「對於Hanson嘅愛，我係咪比一般母親更偉大呢？我只能夠講，我對Hanson真係視如己出，真係好錫佢，同天下間所有媽媽一樣！」
49歲的張慧儀想過再找人生另一個伴？多個父親陪Hanson？「我唔會好刻意去追求，隨緣啦！如果個天有為我同Hanson安排一個咁樣嘅人，我哋好welcome，如果唔會出現亦冇所謂，因為我哋都會生活得好好！」
張慧儀的世界，其實有Hanson就足夠。
撰文：文嘉龍