67歲的盧宛茵（Madam Lo）是單親媽媽，有三名子女，與第一代新聞王子何鉅華結婚13年後感情變淡，Madam提出離婚。今個母親節，Madam首度與孻女Ava一齊接受訪問，Madam說：「我幾驚佢唔制呀！」Ava說：「冇呀，諗住佢開心囉。I love you Mom.」Madam笑咪咪說：「我都係。」孻女Ava曾在美國及上海工作，現於中環一間高級髮廊做髮型師，對於囡囡手腳滿是紋身，Madam輕鬆笑說：「外國興吖嘛，我見到都冇嘢，fashion嚟。」Madam自言是位開明媽媽，不會過份管束子女：「以前自己搵食好忙，送佢哋去外國讀書，我鍾意佢哋自立，唔鍾意太過軟弱或依賴屋企，所以個個都好獨立。」
兒孫滿堂
當年父母離異，Ava只有4歲，曾經有過一段反叛期，11、12歲便跟隨兩位哥哥一齊去英國讀書，會否掛念？她說：「咁當然掛住，但明白要做嘢，唔做點寄錢，所以細個時候收到surprise嘅生日禮物或蛋糕就會好開心。」Madam三子女都戴四方帽，還兒孫滿堂，有一個孫仔和三個孫女。問到怎樣報答媽媽？Ava說：「知佢辛苦，所以咪留喺香港，我之前喺London同上海都有工作，現在返嚟香港同媽咪一齊住，兩個哥哥又結咗婚，有四個姪仔姪女，仲有公公都一把年紀，好想一家人together。」
撰文：嵐山
攝影：陳俊強
