馬浚偉昨日到尖沙嘴為電影《生前約死後》舉行導演分享會，首次執導的他更獲得全民投票的網上最佳新晉導演獎，他說：「好開心，因為部戲我係寫畀我媽咪，佢都走咗好多年，今年母親節我有份好好嘅禮物送畀佢。」
馬浚偉指電影因疫情影響而落畫，現時戲院重開，即獲院線安排重新上映：「我哋仲得到賽馬會贊助，嚟緊會舉行36場免費放映會，每場約有100位觀眾，主要邀請中學同大專生，叫佢哋帶埋屋企人嚟欣賞，每場我都會去做分享。」疫情近日有紓緩迹象，馬浚偉透露9月將再演出舞台劇：「今次個劇本都係我寫，預計6月初開始排，係好好笑嘅喜劇，我會飾演賤嘴mean精。」
採訪、攝影：盧妹