香港再出發@武肺全球大流行，美國中招俄羅斯水深火熱，親中的新加坡嚴限居民出街大爆發仍然未停，香港這班闊佬話之你，一吹雞，1545人報名落船。條船會步公主號後塵嗎？權貴排隊入貴賓艙，冒住被武肺隔離攬炒的高危，集體表忠，連平時言之有物的林超英，出人意表，跟隊下海。老董代表阿爺，大派政治春藥，舊電池爭相被叉，感恩被激活。
大聯盟大支嘢，愛黨群體，零社交距離。放心，抗疫必備的負壓病房，有位，一人一部呼吸機，夠有凸，絕對不會出現意大利西班牙加拿大安老院的慘劇，過百老人遭遺棄、飢餓失救至死。重用口罩被林奠搵到了，叻到震，既然西環已經話晒事，老董召喚再出發，閒着無聊無感召的林奠醒水，搵到廠家，預先趕工做屍袋！689唔信鏡，聽話泡一泡尿，照吓個樣，千幾件老坑，同舟共濟，有冇FA隨團呢？盧院長？他抱膝碌低的冏樣，長存社交媒體，靠佢實仆。梁院長嗎？講過「戴了口罩講唔到嘢」，那麼，共用了尿袋翻唔翻到身？
政壇老坑再出發，齊腳齊頭，扶靈唔憂缺人。上帝加持。不早不遲，香港殯儀館豪華大堂在「再出發」公佈前，冧假天花。