音樂人周啟生下月1日舉行「夜夜生哥 愛港—你＋我」網上音樂會，為一群陷入絕路的職業樂手籌款。之前曾提到有歌手對於籌款一事沒有反應，周啟生昨日到商台受訪時說：「我冇邀請人做騷，樂手幫我哋服務，如果呢行全部死晒，到要吹雞搞騷時邊個幫我哋彈？𠵱家已經斷層，有排衰。我已經超過12個月冇工開，好彩太太買咗4包米俾我，仲用20蚊買咗包鹽畀我吊鹽水。」
周啟生續說：「個疫情邊度會樂觀？雖然我好支持特區政府，林鄭月娥係我偶像，佢叫我除罩就即刻除，叫我戴就即刻戴。希望香港人團結，唔好再分，黃、藍冇意義。」周啟生透露已籌得30萬元，距離目標50萬元已過一半，現有40多人申請，會按需要提供3千到2萬元的協助。
採訪、攝影：羅慧敏