「有錢使得鬼推磨，冇咁多錢邊人有同你做？」做飲食多年的Sunny，月入僅一萬元，為幫補家計，數月前起在pickupp任兼職速遞員，每晚在食肆收工後就在其所住的區域接單，運送一般包裹報酬為4至60元，一日做八、九單，僅賺100元，直至公司推出高薪的「口水」速遞服務，他認為是筍工隨即報名。
由4月中至今，Sunny已運送過兩次深喉唾液樣本，但每次仍膽戰心驚，深怕不幸感染武漢肺炎而陷入死亡危機。他更氣憤道，兩次上門收樣本，兩個客人竟然都沒有戴口罩，令他感到十分不安。他坦言這筍工是「搵命博」，運送「口水」樣本是「風險單」，認為政府有合規格防護裝備及車輛，應由專業人士專責運送，「我唔知客人是否帶菌者，佢攞完深喉唾液可能掂到個盒，表面佈滿細菌，就算我有戴手套箒，但都有機會受感染㗎！」
壓力大 怕漏病毒害人
Sunny每次交收完後，除丟去手套、換過口罩外，亦用搓手液清潔雙手，更會自備噴霧噴勻全身，回家後衣物會用熱水浸幾次才清洗，他還擔心得連沖涼也要沖幾次。惟公司只發放一個膠箱，每日運完口水要將膠箱帶回家，翌日再用，他擔心將病毒帶給家人，壓力相當大。
運送途中，他戴着手套提着膠盒，沿途不少人對他投以奇異目光，令他感到不自在，「有啲好難受，好似歧視我咁，所以坐港鐵時，我都唔想跟咁多人接觸。」雖然他坐車時已刻意與人保持距離，但仍很擔心，「點知會唔會洩漏（病毒）出嚟㗎，唔想害人。」雖然公司不會讓他同一時間接其他單，但事實上他會接其他速遞，「我哋仲要派一般包裹、送速遞，沿途接觸好多陌生人，一旦確診，好難追查！」他曾想過放棄，但因報酬高，「為生活為錢，做一單100蚊等同全日收入，惟有頂硬上自己小心啲。」