五一黃店周有幾厲害，西環發炮，左報罵街就知，毋須郭官大人那柄高尚情操牛肉刀，對家輸到大出血。
小店求存，同路人相扶持，咁都有罪？西環駱主任已經站穩腳步，雙腿不再抖顫，欲加之罪，攬炒出台。香港人未來光顧小店，恐怕會被提控本土恐怖主義罪名。打算食碗拉麵歎杯冰茶，隨時成隊green object由N位拎住外國護照的指揮官帶領，拉你一條友！唔夠人頭嗎？摷多八個，剛好達標。黑警衰嘢做了將近一年，熟晒手，689煽動人去裝修黃店，衣櫃常備黑衫的休班假手足收到了，戴埋黑罩，只要唔開口，想扮姜濤都得！由689編劇，黑警主演裝修大龍鳳，手腳純熟，配合埋大台的新聞鏡頭，目標觀眾是西環，對住鏡頭揮揮手啦，好戲到呢，PK畀手指公。
使錢消費，唔使阿爺教，內地被拍到人龍在名店外排隊報復性爆買，條龍明顯縮水但依然是龍唔係蛇，恨死廣東道名店sales。財爺自爆三頭馬車死火，香港人自救，貫徹2020。注意，蝗蟲非洲肆虐，糧荒唔係講玩。近日一種叫做亞洲虎頭蜂的殺人蜂侵美，同樣威脅糧產。慢七拍的林奠遲了三個多月才宣佈派口罩，等她派米嗎？明年七月十四未倒台的話，有機嘅。請問西環，開飯，係乜罪？洗米，坐幾年？