無綫近年收視及廣告大跌，為節流去年已不時cut節目及裁員，當中曾向配音組埋手，年初已踢走在1990年加入配音組的資深配音員曾佩儀。近日有傳無綫將會再out走另一資深配音員馮錦棠，人稱堂哥的馮錦堂於1979年入讀第8期無綫電視藝員訓練班，畢業後加入無綫電視配音組，效力超過40年，曾聲演動畫《聖鬥士星矢》星矢、《足球小將》小志強及《龍珠》笛子魔童等經典角色。
同在配音組的譚炳文昨日接受傳媒訪問，他表示知道堂哥月底離職：「知呀，做到月底，公司話生意唔好，配音組又人多，有七十幾人，所以要cut啲人，經濟唔好我都明白。」炳哥本身下月約滿，他稱：「仲未傾，冇所謂，我身體呢排麻麻，𠵱家好少出街。返工都係過日晨，我都唔係好想續約。」
採訪：唐琛悠