政圈早排流傳前立法會議員黃毓民（圖）身體抱恙，但大家唔知乜事，直到佢前日突然喺社交網站發文，形容自己「走過鬼門關」，政圈先知佢喺醫院做活組織檢查時，不幸細菌入血，出現敗血病，一度要進入深切治療部。入到ICU直接面對生死一刻。
黃毓民係文中坦言無諗到咁大件事，仲話病重住ICU期間，一度覺得自己會因此離世，問自己「我可以出得來嗎？」而佢話喺命懸一線時候，佢最思念係屋企人，包括年初去世嘅仔，仲話躺在病床時仲突然出現一個念頭，或者自己好快同個仔喺天國見面，但當佢想起多年共患難嘅太太，唔忍心佢再受打擊，令佢覺得自己不能因此倒下，堅強面對病魔。毓民又特別感謝包括有金刀梁之稱嘅梁智鴻等5名醫生悉心治療，令佢情況慢慢好轉，前日終於可以出院，本身要做既前列腺癌測試結果只是嚴重前列腺炎，敗血病治癒後休息一段時間再做手術就可以復元。文章最後勉勵大家，生命無常，要珍惜家人。