林保怡、周家怡、衛詩雅及伍詠薇等昨日在九展出席ViuTV新劇《歎息橋》記者會，該劇將於下周一晚播出。席間，林保怡表示兩年來為籌備《歎》劇推掉其他工作，所以這是他第一個BB，加上身兼監製，會與演員研究每場戲。對於內地早前已先播《歎息橋》，香港未能同步，令網民失望，林保怡無奈說：「我哋公司係製作單位，邊度上先要問啲老闆。」問會否擔心觀眾已在網上追看而影響收視？他說：「我覺得啲人會重複睇，所以唔驚，因為套劇睇一次唔會明，我都要睇兩次。」他更豎起拇指讚伍姑娘好戲。
搞聚會混熟
周家怡曾與林保怡合作《瑪嘉烈與大衛系列 綠豆》，她笑指希望之後再合作︰「同保怡拍戲好enjoy，而且團隊畀咗好多自由空間我哋，未拍前大家仲打邊爐、飲酒。」林保怡補充：「演員唔熟會怯場，所以開鏡前搞咗個聚會，等大家熟咗，去到片場輕鬆啲。」
角色難處理
伍姑娘在劇中飾演有情緒病的都市女性，飾演她兒子的岑珈其患有絕症，她大讚劇本好，但角色難處理︰「幾好玩，演到92歲呢啲年紀仲有人搵，以為要做到好露骨，但團隊唔使，佢哋認為有需要先要。」談到角色沉重會否難抽離？她笑說：「唔會，冇試過抽離唔到，同埋我好樂觀。」問是否首次為ViuTV拍劇？伍姑娘說：「呢個問題好尷尬，應該話ViuTV買咗套劇，我係幫保怡間公司拍。」
衛詩雅五個月前在北海道滑雪時左腳骨裂，原來現在仍需要接受治療，她說︰「近排疫情好啲，有部電影提早7月開，導演緊張問我點，因為我喺戲裏面要跳鋼管舞。」
採訪：黃曉妍
攝影：仇志德