5月6日係巴西老牌後衞丹尼爾嘅37歲生日，呢位助攻力極強嘅右閘過去效力過多支歐洲豪門，最為人熟悉當然係佢效力巴塞隆拿嘅時期，而目前佢已經返到聖保羅「養老」。丹尼爾喺巴西國家隊嘅成就亦都相當厲害，上年就以隊長身份帶領森巴兵團奪得美洲國家盃冠軍，佢仲當選埋賽事嘅最有價值球員㖭，做後衞都攞到呢個獎真係夠晒威水！