美容業自律防疫吸客
美容院周五起可以重新營業，但美容師進行療程時須採取額外保護措施。香港美容健體專業人員總會主席許慧鳳對此感到高興，「停業廿幾日對美容業影響好大，唔少從業員都要停薪留職。全行約7,000間美容院，超過逾一半已簽署指引，相信會員會自律遵守，我哋都會用一啲雲端視像會議程式或者電郵通知佢哋目前嘅抗疫指引點樣做，希望佢哋跟從指引為顧客服務。如果客人見到唔得，都唔會過嚟（光顧）。」她指，不少顧客已致電美容院查詢訂位，希望疫情緩和之後生意可以恢復，業界生意大跌九成，她希望可回彈七成。
戲院播舊片 隔行售票
戲院本周五起可以重新營業，顧客必須戴口罩，院方除了須替顧客量體溫及提供搓手液外，每一場電影亦不可以坐滿。
戲院商會副理事長崔顯威表示，「大部份戲院會隔行售賣戲票，5月本身係淡季，停業咗咁耐，我哋睇未必好。𠵱家我哋都未有片可以宣傳到，估計開返之後生意都好受影響。環球一個大鎖鏈，全球性，佢哋（荷李活）少咗、停咗，我哋都冇（戲），都受影響。可能舊片都要播，開得門，唔係冇嘢睇」。
酒吧禁Live Band削吸引力
在蘭桂坊經營酒吧的Ricky，得知政府終於准許酒吧在周五後恢復營業感到高興。他指酒吧受疫情及限聚令影響，生意下跌七至八成，估計損失約一百萬元，希望恢復營業後生意能夠增加一至兩成，但仍未有熟客致電預約，而且酒吧以往周三至周六有Live Band表演，但政府指酒吧復業後不可有音樂表演，會減低一定吸引力。對於限聚令由4人放寬至8人，他認為好好多，又指母親節將至，以往一家大細都會訂位慶祝，估計到時將會有市民外出消費。
小型健身室仍難為皮
經營健身中心Core Fitness負責人張冠東：「政府容許健身中心重開，即使要全程帶口罩，應該都可以做到。」但他坦言「要做到有阻隔就有啲難」，因為做運動始終要跑跑跳跳。他估計，難以短期內回復以前的生意情況，而且未知疫症是否斷尾，但復業起碼可以支付租金及人工。他指，小型健身中心通常一班只有十數人，「好靠學生人數（為皮），如果四人一班根本為唔到皮，佢哋有唔少人都話如果限制太嚴寧願唔開。政府淨係為健身中心提供一筆過10萬蚊資助，唔公平。點解食肆可以按面積有唔同資助，有朋友間食肆2,000呎就有成90萬，我哋8,000呎都得10萬，而且我哋仲要停業，影響仲大」。
