有「Double S」之稱的陳欣妍和沈殷怡，因為在主持的ViuTV真人騷節目《美女郊遊遊》穿比堅尼而引起網民關注，人氣急升的同時，兩人的舊照亦相繼被翻出，前後照對比，簡直判若兩人，尤其是陳欣妍這幾年間的分別實在太大，惹來整容之嫌。
「突然間暴瘦」
現年26歲的陳欣妍在2013年曾以原名「陳曼姿」報名參加銅鑼灣地帶的型男潮女大賽，但十強止步。有網民比對當時陳欣妍的照片，發現跟現在的她判若兩人。她參加比賽時還是鼻扁，如今卻五官大執位，變成鼻高高和尖下巴，難以相信竟然是同一人。
至於25歲的沈殷怡，曾於2014年參加《中國地球小姐》奪冠，前年加入ViuTV後，於劇集《詭探前傳》中和鄭少秋合演父女，直至主持《辣伙頭》和《美女郊遊遊》後才多人注意。最近有網民翻出沈殷怡臉圓圓的舊照，最顯眼是雙眼皮和變得一排整齊的牙齒。
樣貌最大變化的陳欣妍，昨日回覆《蘋果》時避重就輕說：「哈哈，我的確係靚咗，啱啱大學畢業嗰陣，我個人病咗，突然間暴瘦，最初都覺得好開心，唔使做運動都瘦，而且仲覺得靚咗，但係慢慢覺得好似出咗問題，由58kg去到41、42kg，真係太誇張，呢個係我人生最瘦嘅時候，搞到情緒都出現咗問題。」她更說情況懷到令媽咪擔心：「原來係甲狀腺有啲問題， 𠵱家情況穩定番，不過我都keep住食藥，所以如果大家覺得我靚咗，係好事嚟，但點都好，最緊要係身體健康。」
