荷蘭國家隊教練朗奴高文喺上周日因為心臟病入院，佢喺阿姆斯特丹一間醫院接受咗手術後，𠵱家情況穩定。朗奴高文嘅老婆Bartina同《De Telegraaf》講，呢位57歲嘅荷蘭名宿係喺屋企感到唔舒服後由救護車送院，醫生幫佢進行咗心導管手術後情況穩定。高文嘅經理人洛贊臣則對NOS電視台表示，預計佢會喺今日出院。荷蘭足總喺官方twitter發文，表示對佢入院感到震驚，好在情況已經好轉，亦祝福佢早日康復。朗奴高文喺2018年開始出任荷蘭國家隊主帥，佢亦帶領球隊出線2020歐洲國家盃決賽周，但係賽事因為武漢肺炎全球大流行而延期至2021年舉行。