效力巴塞隆拿嘅法國前鋒基沙文除咗足球，仲好熱愛籃球運動，過去呢位法國前鋒亦曾多次喺現場睇NBA賽事。目前體壇停擺，留喺屋企嘅基沙文突然籃球癮起，就同老婆同朋友玩籃球小遊戲。基沙文戴咗一個附有籃框嘅帽做人肉球籃，戴咗呢頂帽嘅佢十分滑稽，佢老婆同朋友就分咗紅白兩隊，仲瞄住佢個頭係咁射波㖭！