其實今次咳神與謝曬皮聚首，是要你一筆我一畫作art jamming共同創作一幅聯乘作品。二人於未落筆前坐到一旁商量，傾談一會後便敲定以日本經典漫畫《阿基拉》中核爆畫面做二創基礎，繪出一個中共細菌爆發「疫襲」香港下的眾生相，最後花大概一個半小時完成，並即興幫作品取命為「香港疫變」。
謝曬皮與咳神不但將自己也放進「香港疫變」內，作品也繪出特首林鄭月娥等一眾官員只懂拍掌附和習大大、以及港人幾個月來的抗疫細節，包括於禁聚令下警察借機打壓集會自由。二人又一致認為肺炎襲港下港府施政千瘡百孔，咳神說：「我諗源頭大家都知嚟自武漢，一開始咁應該要封咗關先，但香港只係封外面嘅國家，但就完全唔封內地。」謝曬皮則說：「我諗大家都知呢個政府有幾不堪，佢最大問題係冇將香港人擺係優先，你見到佢所有政策都唔係傾向幫市民，之前嘅嘢搞到鬼五馬六，好多其他各國元首都有趁呢次疫情令自己聲譽好啲，政府可以借疫情攞番啲分，但𠵱家只俾人睇到佢哋更差。」