【第39屆香港電影金像獎】
每年一度的「第39屆香港電影金像獎」將於後日舉行，因武肺疫情關係，大會上月底已宣佈取消實體頒獎禮，改為網上直播公佈結果。鄭秀文（Sammi）今年第六度獲提名金像獎「最佳女主角」，更是同時憑電影《花椒之味》和《聖荷西謀殺案》入圍，也是Sammi繼2002年同時有三部電影入圍後，再度在同一屆獲得多過一個提名爭影后。
《花椒》險難產
Sammi日前接受《蘋果》訪問，對於有兩片同時入圍，她覺得有點驚喜：「特別嘅係《聖荷西謀殺案》未正式上映，角色得到評判垂青，畀我能夠入圍，好多謝各位，恭喜兩部戲嘅幕後團隊努力得到認同。」《花》片共有11項金像獎提名，Sammi感到十分鼓舞，回想該片拍攝過程遇到很多波折，幾乎夭折難產，獲提名是對團隊的鼓舞及認同。
提到兩個角色性格，Sammi認為是截然不同：「《花椒之味》角色內斂，演出比較細緻，我係收住去做，正係角色好睇嘅地方。《聖荷西謀殺案》角色立體、多面向，角色好複雜，思想陰沉而不為人知，大家見到我陰沉嘅一面，過往我未做過呢類角色，拍攝發掘到自己另一面，令我明白演戲收同放嘅平衡。」
怕行紅地毯
今次兩片入圍角逐影后，佔五分之二機會，但同時令Sammi分薄票數，她說︰「我冇特別睇法，因為呢個係金像獎機制。」Sammi不想估計《花》片與《聖》片的勝出機會，她笑言︰「有兩部戲提名最佳女主角，我參與嘅電影有份角逐最佳電影，同最佳電影原創歌曲，好似有好多粒種子，邊粒種子會發芽，唔知亦唔想估計，平常心接受賽果。」
Sammi透露曾看過對手周冬雨的《少年的你》，大讚對方演出：「我對呢部戲好鍾意，男、女主角演出非常之好，我直情被佢哋嘅演出深深感動，好動人心弦，導演又好優秀，劇本我又好喜歡。其他戲我未有機會睇，不過聽好多同業都話係好優秀嘅電影作品，好多演員嘅演出好有光芒。」對於金像獎因疫情影響取消實體頒獎禮，Sammi笑說不會因未能着靚衫行紅地毯感到可惜：「坦白講咁多年行紅地毯，其實自己係好怕行紅地毯，對我嚟講唔係一個遺憾。」
採訪︰羅婉玲
