早前網民發起「五一黃金周」行動，消費支持黃色經濟圈商店，卻引來左報甚至中聯辦重炮打壓，指黃色經濟圈是政治綁架經濟的「政治攬炒」。有民主派人士指，今次西環向黃色經濟圈開炮，一方面證明了西環所謂特區「監督權」不限於政治，「連香港人點使錢佢都要管」，另一方面亦反映他們對黃色經濟圈誤判和擔憂，「以為黃色經濟圈慢慢會瓦解，點知就越搞越旺，令佢哋越嚟越擔心呢股政治、經濟結合嘅力量」。
中共憂政經力量結合
有政界人士指，由去年尾開始建制陣營及左報已不斷抹黑及攻擊黃色經濟圈，「又話黃圈冇前途、黃店排隊執、連啲野難食都插」，他聽聞原本左派陣營以為「五一黃金周」行動不成氣候，「佢哋以為冇乜人會係五一出去撐黃店，佢哋研判黃色經濟圈只係泡沫，以為運動加疫情，黃色經濟圈應該會爆」，怎料多區黃店大排長龍，更難看的是，傳媒報道一些被視為藍店的生意給比下去，「佢哋先驚覺黃色經濟圈不但未死，似乎更加係不斷壯大中」，這正是中共最擔心的政治與經濟力量結合，「嚟緊嘅立法會選舉，對佢哋嚟講黃色經濟圈係最大隱憂，可以成為一股動員力量」。
所以，有民主派相信西環出手打黃色經濟圈只是開始，「中共、港府必定會再出手」，但他警告若北京出重手打擊有關商戶，等同公開承認香港再不是一個自由營商地方，「只有西環認可商店先可以存在」，那麼等同向外商講，「日後西環隨時可以用對付黃色經濟圈手法，對付唔聽話嘅美國、歐盟、日本企業，到時仲有人敢嚟香港投資？」
季陶
周一、三、五刊出