【本報訊】本港第一個感染武漢肺炎的香港空手道選手李振豪，昨日住院已經是第48日，他在FB透露，其糞便樣本再一次由「陰性」變回「陽性」，雖然仍未能出院，但他會以運動員堅毅意志力去打這場仗，文尾亦hashtag「繼續平常心」。
李振豪三月中從法國集訓途中返港後確診，4月15日曾透露糞便病毒測試結果首次呈陰性，只待痰液檢測結果及兩種樣本的第二次檢測，怎知今昨的糞便樣本又返回「陽性」。李振豪站在病房的窗邊影了一張相，外面陽光普照，他也說：「我現在的心情都幾好，好快接受咗，我同自己講過，呢個病毒已經打敗過我身體一次，我唔會喺心理戰再輸俾佢第二次，一切只係一種磨練嚟。」
他補充說：「出院時候都係未到，惟有繼續隔着窗戶享受陽光。」李振豪其餘三位同行，包括女將曾綺婷、英籍總教練William及法籍教練Rida都先後出院，現剩振豪及師弟周家謙仍然留院。
記者：徐嘉華