祖雲達斯球星基斯坦奴朗拿度（C朗）嘅女友佐真娜，擁有魔鬼身材係眾所周知嘅事，近日與C朗積極健身嘅佢，冇幾耐之前晒過佢嘅「蜜桃臀」。上周五佐真娜又喺ig派福利，今次更激嘅佢只係着咗一條黑色T-Back晾衫，蜜桃臀無所遁形，唔見樣都吸咗250萬個like！其實呢場疫情令C朗難得有機會陪吓屋企人，佢同佐真娜都忙住湊仔同健身。呢日佐真娜喺花園晾衫，見佢上身着住黑色外套，但下身只着一條黑色T-Back，估計呢張係由C朗揸機，認真大方！不過今次網民罕有咁唔太受落，認為佐真娜已為人母，應該多啲注意吓，尤其C朗嘅大仔已經越來越大個，齋着T-Back呢啲咁激嘅嘢恐怕會教壞細路。此外，意大利政府宣佈本月18日起球員可恢復集體操練，C朗好快就會向祖記報到。