西甲班霸巴塞隆拿嘅首席門將達史特根喺今日踏入28歲，呢位德國籍門將同巴塞嘅合約將會喺2022年夏天到期，但因疫情雙方嘅續約談判陷入停滯。不過據英國傳媒報道，今個夏天巴塞有意簽入阿積士門將奧拿拿，近日就連球員自己都提到希望離隊。喺達史特根續約情況不明朗嘅情況下，奧拿拿下季又真係加盟，實在好大機會威脅達史特根嘅一號門將位置。