樂隊RubberBand（RB）結他手李兆偉（阿偉）去年跟友人合資開兩間燒肉餐廳，今月再接再厲開第三間，但卻碰上武漢肺炎及限聚令等措施，生意急跌七成，每月蝕六位數，阿偉坦言十分擔心，情緒波動。即使面對重重困難，他堅持不裁員不減薪，更向有需要人士派米，回饋社會，阿偉不奢望政府協助度難關，一切寧可信自己。
撰文：寶妮
攝影：陳俊強
阿偉去年4月先後在荃灣及油麻地開燒肉餐廳，本月輪到九龍灣開第三分店，但卻碰上政府推出限聚令等措施，阿偉日前在新店接受訪問：「減少人聚集係好事，但坦白講政府啲規限唔覺好有用，好多時一樣好多人聚集，但措施就對食肆影響好大，食肆只坐一半人，但租金又唔見交一半。」他坦言曾猶豫過是否照開這間分店，但因去年已簽約「落訂」，最後惟有硬着頭皮照做，希望以正面態度克服難關。阿偉指油麻地分店的業主伯伯主動減租，令他相當感動。
拒絕裁員減薪
疫情期間生意最差時足足跌了約七成，阿偉坦言：「其實之前兩間分店都未回本，過去一、兩個月收入根本cover唔到支出，每月要蝕六位數，一定要變通，如果停喺度，下一、兩個月好難捱。」即使現在加設網上賣凍肉及外賣，收入依然彌補不到失去的生意額。談到政府有補貼，阿偉無奈地說：「嚿錢連畀租都唔夠，最後都係信自己，我哋好被動。不過當然會申請資助，啲錢又唔係政府。」
阿偉曾作過最壞打算，以致情緒波動很大：「見到店內只有三、四成生意，真係好擔心好驚，但唔可以沉喺谷底，唔可以再向最壞嘅方向諗，要積極啲做好間店，做老闆有好多責任。」幸好同事表現積極，上下一心一同打拼，他說：「雖然生意困難，但我哋冇cut過員工獎金，唔想第一吓就諗裁員減薪。」
派米回饋社會
雖然面對逆境，今日唔知明日事，但阿偉跟其他股東堅持回饋社會：「之前咪搶米，因我哋有存貨，又有好好嘅供應商，結果我哋夾錢搵咗啲米去社區派畀長者同有需要嘅人，我哋派咗千幾公斤。」他亦有跟相關人士籌備推出優惠餐，以及提供簡單烹調及有營養的食物，希望幫助社區人士，他有感而發：「搞餐廳令我明白做生意唔單係做生意，社區同人係重要嘅一環，學到最多係人嘅關係，人係好重要，大家要建立人與人之間嘅關係。」