有調查指疫下86％打工仔失業或工作減少令收入下降，再看香港人最愛的日本，疫情更嚴重，但日本人卻可能看得開。居港日本人川村健人認為荷包縮水沒甚麼，說：「你食唔起壽司，afford唔到壽司，afford唔到shabu-shabu，食第二樣嘢囉，食餐蛋麵都得，一樣啫，都好食，其實沙嗲牛肉麵都好食。」
日本人是天災煉成的民族，慣對逆境，36歲的川村健人勸大家睇餸食飯，「有好多嘢好食，唔一定要貴，事實嚟㗎。」然而限聚令下好東西變得很遠，他上餐館亦更費工夫，川（Kawa）村（Mura）日文發音不同，粵語卻撞了音，訂位吃飯時對方無論如何都搞不清，他投降說：「哦，冇嘢，陳生啦，陳生！」
據「陳生」指，東洋人堅忍，抱病也上班，勤力變成播毒，「原本好美麗、好多國家稱頌嘅特質，𠵱家傷害緊日本。」香港人小心得多，只是心情鬱結，他勉勵我們善用留家時間，計劃人生，「留喺屋企都有好多嘢做，（成人網站）Pornhub都promote緊premium access呀大佬！」
川村健人來港11年，含蓄東洋人變成率直香港仔，記者問他留家做甚麼，得到如此答覆：「得幾樣嘢啫，扑嘢、打飛機、煮飯、沖涼、飲酒。」今次訪問試圖探討這份真性情，例如香港茶餐廳服務差，他反而欣賞港人夠真，「其實日本人好搞笑，表面笑一笑，『多謝晒，歡迎光臨！』心裏面『快啲走啦你，我好X攰呀，你知唔知呀？』你問我，香港舒服過日本，冇咁多壓力。」
性情再真，禮貌不可少，川村先生在屯門經營餐廳，深黃老闆亦要禮待藍客，「我哋一定要做好人，嗰個仆街支持政府、警察，呢啲係佢問題，我都可以同佢溝通講嘢。」都說日本人表裏不一，當時他心底那句又是甚麼？「X你老母臭X，做乜喺度食飯？」附近洗衣藍店主不時數說抗爭者不是，他心裏咒罵：「你識乜X！」卻能和而不同，「我好鍾意佢，因為佢洗乾淨我啲衫，洗我啲底褲冇怨言，好邋遢！」
難得這個日本人愛香港，爭民主，「當林鄭推動（修例），我有啲擔心香港人唔一齊出嚟，但結果幾多百萬人上街？」那段日子義舉他做不來，但求與同路客共醉，明日話之佢，「我同啲客講：『X你老味啲建制真係仆X街！』」
政治講完，他說了聲sorry，記者再笨也知這是日本人禮數，並非道歉，「你知我deep down係話：『夠喇夠喇，轉topic轉topic！』」之後兩個男人講女人，川村健人跟香港女孩子結過婚，離了婚，現時女友也是本地薑，他認為很多港女都是「背多fun」，正面不用客氣，東洋女孩則兩面不fun，「其實日本冇乜靚女，靚女做明星、AV、part time girlfriend。」
我們自然也談到日本，緊急狀態擴展全國，港人不知何年何月可旅行，他反問：「你掛住日本乜嘢先？食物，香港有好多日本餐廳，可以食日本嘢；你想叫雞（召妓），我記得灣仔嗰邊應該有。」記者是說買衣服啊，「日本牌子全部都係made in China，X你老味，價錢完全唔同，日本買，貴十倍！」
■記者陳勝藍