武漢肺炎疫情期間，各國政府都要求國民減少外出，避免人群聚集。但人類總係犯上同樣錯誤，繼早前曼城後衞基爾獲加被踢爆stay home期間同老友大開性愛party後，近日愛華頓前鋒摩斯堅恩又喺snapchat上載自己同朋友喺屋企開「家庭聚會」嘅相片，主題仲叫做「隔離檢疫」，真係離晒譜！不過有報道話今次開呢個「家庭聚會」並唔單純，從流出嘅相片可以睇到有性感女子在場大跳辣身舞，更有消息人士指呢個party非常狂野。事件曝光後，堅恩效力嘅愛華頓立即發表聲明，對於有球員違反政府嘅防疫措施同球會命令感到震驚，更怒斥堅恩嘅行為令球會難以接受。