立法會議員邵家臻經常探望被還柙的抗爭者，其中一人凌晨時分踏出家門就被十幾個警員拉到後樓梯打，「佢唔驚俾人打，但警察拉咗佢上天台就真係驚，當時佢女朋友喺佢家，警察對佢女友講『X你老母，你知唔知我變態㗎』，佢覺得好心痛，女友要受咁嘅侮辱」。
讓他更震怒的是一位被警察打到眼睛只剩不足三成視力的還柙人士，望向光就會不停流眼水，根本連眼也睜不大。還有一位是弱智人士，被警方按在地上毆打，「打到甩咗牙，佢有揭開口罩畀我睇，嚴重影響食嘢」，但這位受害人並非被毆後立即被捕，在不為制服和拘捕下毆打他，目的何在？
「唔同時段、地點都出現大量警暴，根本已到達一個集體失控、冇王管情況，完全無代價、無人敢去處理，無制度去制衡，只會繼續發生。」邵家臻形容，警暴情況是濫用私刑、公報私仇，令人擔憂。
明言搞抗爭者家人
從前聽見別人說「黑警死全家」時，他會心裏會不舒服，但探望過還柙人士後則改觀，「竟然講明要搞人阿媽、老婆、工人，仲話『包保你出唔到嚟過年』，人哋爸爸對腳行唔到就專登話要去搞佢，呢啲唔係禍及妻兒？咁都講明要搞你全家，『死全家』嘅說話係咪可以作為『對沖』？」很殘忍吧，但現實是如此。