【本報訊】隨着疫情緩和，醫管局計劃恢復部份非緊急服務，但公共醫療醫生協會會長馬仲儀（圖）估計，可能要以年計才能處理積壓的門診和手術輪候個案，建議由人手及病床相對較充裕的醫院接收新的武漢肺炎個案，其他醫院則騰出人手回復日常工作，以疏導積壓個案。
馬仲儀接受Now新聞訪問時指出，據了解，部份醫院正關閉部份早前增設的隔離病床轉回一般病床，逐步回復服務，但內科人手仍緊張，「有啲人入咗隔離病房，人手被分薄，加上去年有部份醫護離開團隊，令部份醫療團隊出現負人手。 」
她續指，香港公私營醫療服務失衡，有八至九成醫療服務是由公院處理，估計受今次疫情影響而積壓的門診和手術輪候個案，可能要以年計才能處理，「現在停擺咗咁耐啦，基本上人手又無增加到，仲要有部份分咗去隔離病房工作，只能用以前嘅速度或更慢嘅速度去處理，咁幾時才可以清番條隊呢？其實唔係好樂觀，可能係以年計，究竟醫管局有乜特別措施，尤其是增強番一啲重災區，例如骨科或內科，針對返門診或手術服務，等我哋有額外資源，等我哋清咗排好長嘅期」。
她認為若武漢肺炎確診個案持續減少，新個案應集中在人手及病床相對較充裕的醫院，例如瑪嘉烈及威爾斯親王醫院，其他醫院則可騰出人手回復日常工作。
■記者謝明明