香港第一代電視小生及電視劇監製梁天（原名梁乃輝）上月22日離世，享年87歲，昨日早上於紅磡萬國殯儀館孝思堂出殯，9時許進行大殮儀式，約10時許靈柩便移送到歌連臣角火化。與天叔亦師亦友的劉錫賢，在儀式前抵達向前輩作最後致祭。
完成大殮儀式後，天叔的姪仔捧着遺照步出，劉錫賢一面愁容接受訪問，透露剛完成簡單儀式：「有幾位天叔嘅好朋友扶靈，希望佢喺第二個世界開開心心，一路好走。」問他可有最後的說話向天叔說？他說：「人都走咗，唔知講乜好，真係好唔捨得佢離開。佢陪我哋玩得好開心，但係𠵱家唔可以再喺度。」劉錫賢指天叔為人較沉靜，但間中爆出搞笑金句，令大家很開心：「佢鍾意睇住我哋玩，但係我哋撩佢，佢又好開心，係個好幽默嘅長輩。」
採訪：盧妹
攝影：陳慧安