古巨基（基仔）昨晚跟好友森美開live分享湊仔經，合力支持香港演藝人協會的「全球Stay Home #WithMe」活動。新手爸爸基仔直認因武肺疫情，與太太都變成緊張大師，非常注重衞生。基仔又大騷囝囝Kuson的肥腳仔，又自爆Kuson遺傳了他的多汗症，手汗腳汗超多，基仔又播出Kuson表演「海豚音」的片段，看來成功遺傳爸爸的唱歌細胞。
現年47歲的古巨基去年底榮升新手爸爸，他和好友森美昨晚為香港演藝人協會與YouTube主辦的8小時「全球Stay Home #WithMe」開live大講湊仔經，基仔透露會長古天樂聯絡他時，希望他唱歌呼籲大家留家及打氣，但基仔提出反而更想分享在疫情期間湊約4個月大的Kuson心情，因此找森美開心share，森美兒子在2003年出世時，碰巧遇上SARS爆發，跟基仔現在情況相近，感同身受。
兒子好少喊
基仔坦言為避炎，一家人由2月1日到現在也未出過街：「一切消毒做足，網購啲嘢返嚟煮，啲嘢叫人送嚟門口，大家冇接觸，媽媽好緊張。」兩人直播時各有一隻馬騮公仔做道具，示範幫BB掃風。
基仔坦言做爸爸後感覺很神奇，因屋內忽然多了一個人，囝囝有任何反應都要去了解一下，他形容Kuson好動及八卦，鍾意被抱着四處走動。森美又問基仔是否不捨得Kuson喊，他一喊即抱？基仔謂：「佢又冇乜喊，佢我同媽媽有共識，喊要去睇，但冇必要唔會抱，囝囝反而成日尖叫，媽媽話係海豚音。」基仔隨即播出Kuson的「海豚音」叫聲，他坦言初時囝囝一叫便很緊張，會為他探熱，但現在明白是他的一種表達習慣，基仔笑言：「佢同我鬥高音。」基仔也有分享餵奶、剪指甲及換片等趣事。
鍾意聞頭油
不少人覺得Kuson的樣子很似基仔，他再自爆：「除咗樣之外，手汗最似我，手汗腳汗濕到呢，有乜事可以對返隻手先。感覺真係好特別，好神奇。」森美分享兒子1歲前已識講不同鞋款的英文，又叮囑基仔要安排BB去上playgroup。此時基仔讓Kuson的肥腳仔出鏡，他謂：「我有咬佢，啲牙印要一陣先散，不過佢唔痛，我又鍾意聞佢啲頭油味。」基仔坦言做父母更明白大家要孝順自己的雙親。最後他笑言會訓練Kuson唱歌，而自己則可退休。
而基仔和森美分享湊仔經前，薛凱琪（Fiona）、夏韶聲、鍾舒漫、雷琛如（J. Arie）及小肥等也分別開live唱歌，Fiona表示近日在家避炎結果肥了8磅。接着夏韶聲自彈自唱《永不放棄》和《今天昨天》，有網民發現他放在後面的唱片封套，上面印「人在做、天在看」，被指有特別意思。
撰文：余嬌