早前有報道指，效力祖雲達斯嘅葡萄牙球星基斯坦奴朗拿度（C朗）女友佐真娜嘅ig追蹤人數，喺西班牙跌到第三，所以最近佢開始上載自己着緊身運動衫嘅健身片段，除咗鼓勵大家多做運動外，更希望靠自己迷人身材去獲得更多支持者。C朗女友佐真娜早前喺最新嘅西班牙ig排名俾新星Ester Exposito同模特兒Ursula Corbero追過，為咗重奪西班牙ig排名首位，佐真娜喺隔離期間當然唔可以偷懶。身為健身狂人C朗嘅另一半，雖然目前處於隔離期間，但佐真娜依然係咁健身保持自己誘人身材。佐真娜近日就喺ig上載自己喺屋企健身嘅影片，片段入面可以見到，佐真娜着住緊身粉紅色運動衫，然後做出一啲鍛煉臀部肌肉嘅動作，健康之餘，仲盡顯迷人魔鬼身材。