【本報訊】政府早前刊憲延長禁止群組聚集及針對各類場所的法令兩周， 限制食肆最多只可坐滿半數座位的要求則由昨日起撤銷，但仍要維持餐桌間最少有1.5米距離或設有隔板，及一枱不得坐多於四人等規定。有食肆老闆表示，放寬食客人數對細舖來說毫無意義，「呢度格局都係咁，我哋都坐唔到多人」，寧願政府多花心機抗疫，保障港人。
指寧願政府專心抗疫
太子食肆潮州人老闆Atta表示，餐廳只得五張枱，「限座令」下最多招呼14名客人，生意自一月疫情爆發後跌四成。他認為，放寬食客人數對大集團和大舖可能有幫助，但對細舖卻毫無意義，「舖頭一眼睇晒，坐一半定坐滿都無乜影響」。對於政府稱世界各地疫情持續，本港應保持謹慎，他說「如果佢真係有呢個諗法，就應該一早封關」。
九龍城Rings Coffee東主徐先生亦指，生意在「限座令」下跌兩至三成，外賣則比以往多「以前一日可能一單，𠵱家一日成20單」。但他認為放寬限制對生意沒有大分別，「希望（政府）防疫措施做返好少少，呢個最緊要，唔係你做更多幫我哋，但疫情一直係度，對我哋嚟講治標唔治本」，寧願政府多花心機抗疫。
太子基隆茶餐廳老闆娘Cat則說，生意自疫潮爆發已大跌四成，昨日生意並無因撤銷限制食客人數而有所增加，因為餐廳只有12張枱，「唔覺得有幫助，因為仲要符合1.5米同唔可以多過四個人一枱」。她擔心政府繼續延長限令，目的是以免人群聚集示威。
九龍城港嘢茶檔員工李先生則指，「限座令」下餐廳只可坐19人，生意跌一至兩成，即使放寬食客人數，對生意沒有幫助，「呢度格局都係咁，我哋都坐唔到多人」。
食客劉女士稱，本港近日確診個案多是海外輸入， 因而增加外出進膳次數，但強調沒有因此鬆懈，仍會戴口罩、避免聚會等。她批評政府延長禁令是想「卸膊」和政治原因，「驚有嘢就要孭鑊，你睇7.21、8.31嗰啲示威幾多人，𠵱家多條條例玩你（上街）每人（票控）2,000先啦」。
張先生認為，近日疫情回落，政府可放寬本地限令，例如放寬限聚令，「香港地要搵食，你樣樣掣肘得咁緊要，都要回應市民需要。疫情搞到好多人無工返，手停口停，政府又唔幫到咁多，對嗰啲人好唔好公平」。
■記者李詠希、張文鈴