【本報訊】由選舉呈請案裁決、失去立法會議席，到現在大聲公襲警罪成，區諾軒自言從未想過自己是「走到最前嗰批」，惟面對當權者越趨嚴峻的政治打壓，他只能坦然面對。但他難免覺得含冤受屈，「我明明就唔係你（控方）所講咁嘅人，但你就用唔同嘅法例力求煮死我」。他亦直言對法治已毫無信心，「如果（法庭）喺你面前係咁冚你，咁你好難去話我仲好尊重你（法治）」。
轟警暴問題從未被監察
區諾軒揚言，從未與涉案警員有肢體接觸，卻被裁定兩項襲警罪名成立。反觀警方大半年來對付示威者的手法惹人非議，警暴問題卻從未被監察。即使有大量網絡片段拍下警暴，區不諱言「連講出口都驚」，他說：「佢哋又可能起訴我有不實指控，連評論你都好大壓力。」
他原打算不久將來負笈日本圓博士夢，現時卻變成未知數，政治參與亦要告一段落。「其實我都想問呢個政權，你究竟想我點？」區說，負笈日本攻讀博士課程是其人生目標，無論判監或社會服務令，進修計劃亦可能擱置，近日更與李柱銘等民主派人士一同被捕，區不禁問：「咁我要同你審到幾時？」區坦言，若他要不斷回港處理審訊事宜，甚至被頒令保釋期間不得離港，「呢個就真係毀滅咗我人生」。他感嘆：「我唔知仲可以喺香港做啲咩……我真係唔知政府仲想點對付我，其實我每日都生活喺惶恐入面。」
由兩年前成功接替被取消議席的羅冠聰，再因周庭選舉呈請勝訴而反被剝奪議席，區諾軒直指司法制度盡顯荒謬，「你選舉呈請得直呀，但係你贏嗰個位要交返出嚟」。區認為法庭的裁決完全罔顧及損害選民及參選人的利益，區謂：「其實法治死唔死係好睇法官判案係咪合理、係咪符合社會規範、以致市民會尊重。」
區又謂惡法當前，無人能獨善其身。他知道很多香港市民這一刻都很不開心，例如郭榮鏗隨時被取消議員資格，「已經昭昭明甚，立法會隨時步入歷史；基本法22條可以一日之間唔再有用，仲點相信有法可依？」
■記者廖希呈