「醫生，我覺得好焦慮，成日都有好驚嘅感覺，我控制唔到個腦，諗呢樣諗嗰樣，好多嘢都好擔心……」A一坐下，便急不及待告訴醫生她的問題。
「係呀，佢成日都好緊張，點都放鬆唔到個人……」A的家人馬上補充，但說不夠兩句，A又插嘴：「係呀，我覺得好緊，坐喺度無端端膊頭又覺得好緊，手又覺得好緊，放鬆唔到，成日覺得頭痛，一要清潔屋企就會覺得頭脹，有時痛起嚟，惟有匿埋一邊喊，我驚我好唔返呀。」
A患有焦慮症已有十多年，一直有看醫生服藥，本來病情還可以，不過，最近因為新冠肺炎的影響，在家要多做清潔的功夫，從那時開始，A的病情便突然轉差，即使服用了之前醫生處方的藥物，也沒法控制焦慮的情緒。聽過病歷，醫生覺得奇怪，為何多做了一點清潔家務，竟然會引致病發。
原來，這十多年來，因為A有焦慮症，所以家人在生活上百般遷就，A不用擔心家裏各樣事情，現在因為疫情的原因，家人要保住飯碗，各有各忙，實在沒辦法分擔家裏的清潔工作，A又喜歡乾淨，所以惟有自己下手。A一向容易緊張，而且凡事心急，一想起便要即刻做好，生活上一直以來節奏太快，再加上凡事要求高，難怪辦任何事也份外吃力。
「醫生，你一定要幫我醫好個病，一定要校好我啲藥呀……」
這個時候，醫生忍不住跟A解釋，雖然調校一下藥物，確實可以紓緩焦慮的情緒，不過，其實A更需要做的是，放慢生活的步伐，如果一直堅持自己的「習慣」，凡事都要十全十美，那無論吃多少藥，病也不會斷尾。醫生又問：「你係咪一個硬頸固執嘅人呢？點解屋企人講咗十幾年你都唔聽？」這個時候，家人忍不住插嘴：「係呀，佢唔聽人講，淨係要人哋就佢，我哋又驚佢病情波動，所以呢十幾年嚟都係只有佢講，從來生活上佢都唔肯改變，所以咪惟有靠食藥囉。」
我們有病有不適，當然希望家人多點關心，多點遷就，不過，如果只希望家人遷就，而自己沒有在生活上作出應有的改變，處理情緒困擾的源頭，單靠食藥，情緒病便難以根治。
http://fb.me/1486drlee
李德誠 精神科專科醫生
想輕輕鬆鬆健康啲，記住留意健康蘋台
http://health.appledaily.com.hk/