官場近日大地震，聶德權亦由政制及內地事務局局長調職去公務員事務局做局長，唔知係咪被調而騰騰震？聶德權噚日喺立法會見記者，以英文回應有關《基本法》22條嘅提問時，被傳媒見到佢喺身後交叠嘅手震震，曾嘗試用左手捉住震緊嘅右手；之後答其他問題時都有手震。
聲稱因為唔夠瞓
地震變手震，外界猜測佢係咪壓力太大，抑或健康出現問題？聶德權喺facebook主動回應話俾人發現講嘢時手震，「今日睇番片先知原來次次講嘢都手震」，自稱講嘢時不嬲都手震，「呢排瞓得少跑得少，會瞓番多啲跑多啲步，身體無恙，多謝關心」。查實佢換位後面對「公僕掃黃」嘅重要政治任務，相信日後都有排震。