無綫本月初稱因眼見武漢肺炎疫情持續，為保障本港及海外參賽者、以及台前幕後的健康，史無前例宣佈今年停辦第48屆《香港小姐競選2020》，而上屆冠軍𤏸嘉雯、亞軍王菲及季軍古佩玲，則「冧莊」做多一屆，令不少前港姐皆大嘆可惜。但言猶在耳，無綫助理總經理（非戲劇製作）余詠珊昨日出席記者會，宣佈今屆港姐選舉「復活」，但卻有別一貫方式，改在網上舉行。
播放日常生活
余詠珊昨日在將軍澳出席記者會時，即場公佈今年港姐復辦消息：「每年港姐選舉都傾盡咗好多人嘅心血，如果唔搞會好可惜，經過商議後，今年會以一個網絡形式進行，仲會邀請歷屆香港小姐提出意見，令今年網絡版香港小姐有更多吸引的元素。」余詠珊透露會在下月底開始進行篩選，初步預計有50至60個佳麗參加，目前構思今屆港姐會以一個真人騷形式舉行，屆時會進行全民淘汰，網民可於big big channel看到佳麗的日常生活、泳裝及化妝等，余詠珊又表示：「因為疫情關係，我哋唔會長期集合晒所有人一齊，佳麗要自拍，我哋亦會安排工作人員上門set up器材拍攝，部份訓練項目會係佳麗喺屋企自己做，希望可以有更多觀眾參與，大家有互動。」至於最終會否進行決賽，余詠珊坦言要視乎疫情狀況再作決定。
港男望能添食
雖然港姐改以網上真人騷形式，但余詠珊強調節目是獲官方認可，亦會選出冠、亞、季軍，參賽者必須是香港人，但來自各地的香港人同樣可以參加，她又聲稱若順利舉辦網上港姐，之後可能再辦網上「香港先生」選舉：「我哋花咗好多時間，因為好唔甘心，終於諗通咗，點解要停辦呢，我哋喺網上做就得，希望全球人一齊參與，會唔會有更多元素跟海外嘅人一齊去玩，我哋想發掘更多新的可能性。我哋會好認真做一啲從來未見過嘅。」
本來「冧莊」做多一屆的應屆港姐冠軍黃嘉雯昨日亦有出席記者會，對於港姐以網絡形式舉行，她表示：「呢個形式可以畀參賽者有很大嘅發揮空間，我仲覺得可以加入荒野求生或者真人騷等呢啲元素，可以畀觀眾同網民睇到佳麗嘅另一面。」
撰文：余嬌