麥潔文（Kitman）昨日到新城接受訪問，提到在公立醫院隔離病房任護士的囝囝陳耀淙，早前已入住政府安排給醫護的酒店暫住，她說：「我哋已經幾個星期冇見到佢，平時都係WhatsApp，但佢好忙唔會成日覆到，亦視像過一、兩次。」Kitman透露從囝囝口中知道隔離病房工作繁重：「佢都話好辛苦，唔緊要啦仲後生捱得住嘅。」
Kitman稱囝囝將會在下月初輪班：「到時就離開隔離病房，之後喺酒店隔離14日，跟住就可以返屋企。」又表示難免會擔心：「成日都叫佢要小心啲，好多朋友哥哥姐姐都有問候佢，其實所有醫護都好辛苦，我哋乜都做唔到，淨係睇住佢哋辛苦。」
採訪、攝影：曹家誠