政府在第二輪防疫抗疫基金中，宣佈向自僱人士提供一筆過7,500元資助，但前提是必須有供強積金，無論是與按摩店拆賬出糧的盲人按摩師，抑或租借地方自行創業的美容師，均無法受惠。面對停業及擔心復工無期，有從業員不禁破口大罵：「叫佢（林鄭）去死啦！」
轟政府只為大公司着想
在美容行業打滾已有10年的Randy，去年6月社運時向公司辭去美容顧問一職創業，獲朋友答允租出美容院一個地方讓他接街客，從事freelance激光治療師，目標是儲夠第一桶金，經營一所屬於自己的美容店。然而疫情令目標越來越遠。不受惠於抗疫基金，在疫情之下的日常生活，他直認「真係要慳得好犀利，有時朋友約食飯唔去啦」。
停業令一再延期，Randy坦言最害怕禁令延長致復工無期，「係驚㗎會，延長真係會仆直。」他解釋以freelance接客，大公司擁有客量優勢，相反freelance一天可能專注做好數個客人，「公司做唔到一、兩個冇咩所謂，但對我哋freelance而言，損失就大好多。」
Randy批評，政府不理會失業人士死活，只替大公司着想，「失業嗰班唔係淨係我哋呢啲年紀，有啲真係年紀大，要養屋企。」面對疫情，他選擇順其自然，「冇諗過幾時完，可能幾年，唔完都要行落去。」現時他與同行未有進一步對策，仍在商量，「仲諗緊點拆點搞」，但仍不禁直斥「好無奈，叫佢（林鄭）去死啦！」
■記者張景昕