【本報訊】政府先後推出兩輪防疫抗疫基金，但在商場的美食廣場食肆、果汁店、涼茶舖由於不是持有食物製造廠牌照而不能受惠。有食肆曾向立法會飲食業界張宇人求助，卻得不到回覆，原因或與非飲食界選民有關。
美食廣場食肆不獲資助
在西九龍中心美食廣場售賣湯飯逾十年的的劉先生指，食肆牌照由西九龍中心持有，商場至今也沒有向商戶提供任何紓困措施。他半個月前曾找過張宇人求助，但至今未獲回覆：「我哋咁細嘅蟻民敲佢門，希望佢可以幫到我哋，但佢電話都未覆過，只係助理聽電話，我哋都唔知搵邊個投訴。」他指現時日子十分難過，有廣場內的食肆試過一天只做過兩、三百元生意，「你話點捱落去？由朝坐到晚，要開飯，又要交租」。
立法會議員譚文豪指，該類店舖由於不是直接持有食肆牌照，不能成為飲食界選民，或令張宇人不理會他們的原因。
張宇人否認「唔覆人」，「如果佢搵我，我唔會唔覆，我都唔知我覆過幾多個人」。張辯稱不是沒有替美食廣場的食肆爭取，但政府因為要盡快派錢，惟有選擇「認個牌係最快」，令部份沒有牌照的美食廣場食肆不獲資助，實屬不幸。他呼籲大業主收到資助後，與廣場內的食肆攤分。
■記者姚國雄