【本報訊】應屆中學文憑試（DSE）考生一波三折，經歷反修例運動及疫情而停課，瑪利諾神父教會學校校長何力生直言香港「欠咗呢屆學生」，建議當局倍增資助大學學額，由1.5萬個加至3萬個，只需「填少啲海」便可還學生讀書的機會。他又認為，今屆中五生「成個中五冇學過嘢」，建議考評局縮減明年DSE考試範圍。
建議大學學位增一倍
「香港一個咁嘅城市，有咁多億儲備，五萬人出年有書讀都做唔到？」何力生指出，今年學生接連因社會事件和疫情停課，學校連面對面的支援亦無法提供，認為作為成年人，應「鬆手啲」倍增大學學位，成績未能入學的亦應有資助的副學士或高級文憑學位，以解決深層次矛盾，「你想像一下，下年得萬五人有書讀，（冇得讀）嗰三萬唔上街都唔係人啦！」
面對困境的不只應屆DSE考生，何表示，明年應考DSE的中五生學習進度亦大受影響，「如果話網上（教學）可以彌補到，係自己呃自己」，他認為用補課追回進度不可行，建議考評局縮減下屆DSE範圍，「就算暑假唔放、聖誕唔放、復活節假唔放，都補唔到五個月嘅課程。如果咁都補得到嘅，就唔使教書啦」。
■記者鄧力行