訪問期間談起某品牌最新推出的旗艦相機，「就咁開liveview放喺地下撳都中晒。」器材越來越先進，是否等於攝影越來越容易？「相機發展令攝影師容易影到一張好嘅action shot，但當全世界都易影時，其實門檻就高咗。」
器材只能幫到初階攝影師入門，Brian認為攝影師要考心思和技巧，要突出就要有信念，「先畀自己好強信念去行自己嘅路，唔係抄同模仿，一定要諗啲與眾不同嘅嘢。呢條路一定係孤單同俾人謾罵，因為世人唔會接受。」他又講出自己數年前一套暗黑風格不被人接受，後來慢慢受到歡迎的事件作例，「其實攝影都係一種潮流，點樣去捉到個潮流去行，要突出自己，先要有好強嘅思想。」