祖雲達斯嘅巴西球星杜格拉斯哥斯達（DC）向來以速度見稱，近日佢着住拖鞋都跑贏駕駛小型賽車嘅女友Nathalia Felix，認真誇張！事緣球壇因武漢肺炎疫情而停擺，䁥稱「閃電俠」嘅DC有Nathalia呢位索模女友相伴。
佢喺ig上載咗一段與女友賽跑嘅短片，見到呢位球星赤裸上身仲要着住拖鞋上陣，起步嗰陣率先彈出，駕駛小型賽車嘅女友就唔夠佢快，DC去到終點就大叫話自己贏咗女友。佢喺呢條短片嘅帖文就寫︰「杜格拉斯哥斯達對Nathalia Felix，呢個禮拜我無敵！下一個要挑戰勒卡歷（效力法拉利嘅F1車手）。」DC嘅巴西國家隊隊友尼馬就留咗言︰「都唔係好快箒？」