中超班霸廣州恒大之前已經用咗成120億人民幣嚟起可以容納10萬人嘅主場，不過球場嘅蓮花設計就俾球迷笑爆。結果禮拜一晚佢哋公佈，計劃再起多2個坐到80,000人嘅球場，仲上傳咗多張設計圖，希望球迷喺6個方案中揀2個。唔少內地網民隨即留言話，兩個新球場嘅設計圖「任何一個都比大蓮花、潘金蓮好看」，甚至笑稱「只要唔係蓮花就得」。有報道話恒大係咁起新球場，喺因為中國下年要主辨擴大後嘅世冠盃同2023年亞洲盃，甚至為申辦2030年世盃鋪路！另同市嘅廣州富力主席黃盛華近日受訪時就話，中超將會喺6月底或7月初開季，不過中國足協未正式公佈呢個消息。