4月21日係皇家馬德里中場艾斯高嘅生日，呢位2012年嘅歐洲金童獎得主唔經唔覺已經28歲喇。目前西甲停擺，艾斯高就有多啲時間留喺屋企，見證兩個囝囝嘅成長。平時除咗同五歲大仔喺花園踢波外，佢更不時上載自己同九個月大細仔嘅甜蜜合照，父愛爆晒燈！此外呢位西班牙中場仲為抗疫出錢出力，早前就向當地醫院捐咗部呼吸機，感謝醫護人員嘅付出。