53歲凍齡女神溫碧霞（Irene）除了樣貌不老，連肚腩亦零脂肪，保持24吋纖腰。Irene透露全靠每日勤力做瑜伽及踩單車，就算工作忙亦提早一小時起床做運動。近日因限聚令，Irene取消所有工作及聚會，每日留在家中操兩小時瑜伽、踩單車及跳繩外，日前趁周末更一家三口出動遊船河，出海游泳及曬太陽。
Irene公開操練出24吋纖腰的七個瑜伽招式，她說：「之前去巴黎不停食，肥咗3磅返港變到105磅，條腰粗咗1吋，最近勤力做運動先返番102磅24吋腰，其實我唔係天生瘦，我都好容易肥，全靠每日努力做瑜伽、踩單車同跳繩，唔飲甜嘢，每日飲好多熱檸檬水，大家都可以有24吋腰。」
撰文：張明