【本報訊】涉事單位業主林太早前驗樓已發現單位質素差，有空心磚等，「裝修師傅打畀我個仔話滲水，我當時打咗嗰突，心諗弊傢伙，新樓竟然會有咁嘅現象」。發現問題石屎，更令她「成晚都瞓唔到覺、心都悒埋……自己辛辛苦苦諗住供層樓……諗住交返間公屋畀（有需要的）人，但𠵱家買咗層咁嘅樓……都唔知點算，呢度咁樣我哋又要再整過」。
林太批評入伙大使最初竟以天氣潮濕為理由拒絕維修是不負責任，「佢話潮濕，我梗係唔信啦……我（雖然）唔識嘢，但每個角都冇嘢，淨係得嗰個角濕，咁肯定有問題啦」。
業主兒子更質疑，維修人員曾向他表明會維修外牆，「但打咗針後，就話檢查咗外牆冇明顯裂紋，唔會鑿開牆身維修」，他擔心外牆滲漏問題未能根治。
上門維修無通知
他又指，職員原本說復活節假期後才會開始維修，「但9號就收到管理處電話已經有人上咗去打針，事前係冇通知我」。
房屋署回覆查詢證實單位牆身滲漏，承建商在收到報告後已立即跟進及安排檢查，並會根據建造合約要求，負責進行包括堵塞滲漏等修繕工作，預計需時約兩至三星期。
冠德苑承建商新福港營造有限公司回覆查詢稱，本月6日晚接獲通知單位有滲漏問題，已完成修補工程，包括為單位進行防漏加固修補工程，並已檢查該單位附近的外牆及天台位置，並未發現滲水及漏水。
新福港正測試修補的位置有否出現滲漏，需時約一星期，亦正調查滲漏成因，工程費用暫由新福港支付。至於單位牆身氣孔問題，新福港指氣孔是由修補工程所形成，檢測修補位置後將修補氣孔。
■記者譚靜雯