由香港律師黃國桐發起、讓流亡台灣的香港抗爭者工作的餐廳「保護傘」取得營業牌照後，昨天正式開業。首日生意相當不錯，顧客絡繹不絕，不消三小時售罄幾項菜式，成為武漢肺炎疫情下餐飲業的奇景。姓周的負責人低調稱很感謝大家幫忙，目前一切都在軌道上。
「保護傘」店舖座落於大安區，鄰近台灣大學。由於餐廳接獲許多人查詢，加上近日取得工作證，餐廳決定提前昨天開幕。保護傘餐廳裝潢佈滿了香港特色，內部有「光復香港、時代革命」標語，店內窗櫥也擺設了一個小型的祝賀牌樓模型，寫上「台灣保護傘 港台一條心」，電視則重複播放《願榮光歸香港》的MV。餐廳主要售賣意粉、全日早餐及小食等，定價走中檔路線。一位去年11月來台工作的香港女士在開幕第一天就從桃園專程上來光顧，她表示自己定期會前往餐廳附近的教會，得悉餐廳開幕消息，決定昨天趕來捧場。
「好多港人同佢哋一齊行呢條路」
餐廳昨中午正式開張，食客大排長龍，排隊的民眾多數是慕名而來的香港人，年齡層廣泛，有四口家庭、白髮長輩、時髦青年。顧客絡繹不絕，不用三小時大多數食物已沽清，以致不少人白來一趟，包括到台灣避疫的港人王先生。他說：「食唔到唔緊要，下次嚟，橫掂都係食嘢，可以話係幫襯自己友、親切啲。」
在台灣工作的港人徐先生也專程到餐廳幫襯，「其實我晏晝嚟咗，但嗰場爆晒，諗住兜個圈玩一陣再返嚟，結果嚟到太好生意啦，已經冇晒食物供應」，但未有感到失望，「證明好多人都支持呢班朋友，我都好開心」。其後他更哽咽說﹕「雖然唔能夠親自幫襯到佢哋，但見到台灣人同香港人都支持呢個運動，一班幫咗香港做咗好多嘢嘅朋友，喺呢到工作，大家一條心，非常開心，亦都好感動。」對於保護傘正式營業，他稱：「台灣能夠有一個咁嘅地方保護一啲為香港付出咗好多努力、付出咗佢哋前途嘅年輕人，可以喺呢度有一個機會畀佢哋繼續工作及生活。」他希望在台灣生活的香港人可多到餐廳支持及鼓勵手足，「畀佢哋知道，佢哋唔係得自己……畀佢哋知道仲有好多香港人同佢哋一齊行呢條路」。
台灣蘋果新聞網
