【中環在線】大陸一間綜合汽車服務供應商世紀聯合（1959），打算委任佔中期間人稱「四點鐘許Sir」嘅警隊前高層許鎮德（圖）做獨立非執行董事，年薪12萬，集團認為許鎮德喺媒體關係、信息科技、運營及風險管理方面嘅經驗，可以為集團董事會作出貢獻。
助世紀聯合應對傳媒
不過，警方所用嘅管理經驗，喺商界又係咪用得着？其實許Sir喺2018年退休後，翌年已入咗九巴母企載通國際（062）做行政總監。但一班九巴前高層當時就好不滿，批評一班外行人管內行人，退休警無巴士營運經驗，無乜顯著效益。
世紀聯合想請許Sir搞好媒體關係，而香港警察喺應對傳媒、高層管理下屬及風險管理嘅能力，由上年六月至今，全香港人都有目共睹。如果許Sir仲用呢種態度應對傳媒，咁就真係要向世紀聯合講句恭喜！
李華華
mailto:[email protected]