做緊阿士東維拉助教嘅前車路士隊長泰利，喺2018年夏天本來有機會加盟俄超球隊莫斯科斯巴達，但完成體檢後，泰利以唔希望老婆仔女搬屋為由拒絕轉會，泰利經理人查保治就踢爆，泰利唔轉會係為因自己個女怕佢遇到北極熊。查布治喺一個網上節目中提到，當時泰利個女擔心佢喺莫斯科會隨街遇見北極熊，所以力阻老竇轉會：「當時學校校長同泰利講，話佢個女一直大吵大鬧話自己老竇要去莫斯科，仲話當地有北極熊喺街行嚟行去，老竇永遠都唔會返嚟。」正正因為女兒擔心自己安危，令泰利決定拒絕莫斯科斯巴達當時開出年薪300萬鎊（約3,000萬港元）嘅合約。