之前報道過50歲嘅哥倫比亞名宿艾斯派拿，近年專注喺安全套事業上，以自己綽號「Tino」建立安全套品牌。呢位名宿近期又有新搞作，呢排武漢肺炎搞到人人唔敢出街，亦都冇人開工做安全套，令市面貨源短缺，艾斯派拿就決出動無人機派送安全套，抗衡武漢肺炎疫情。艾斯派拿日前話，自己有350萬個安全套存貨，可以有助紓緩貨源短缺問題。據報道，全球每五個安全套就有一個係由馬來西亞嘅Karex Bhd公司生產，但該公司旗下三間工廠喺疫情影響下曾停工超過一星期，停工期間市面缺少咗約一億個安全套供應。艾斯派拿早前則為自己公司宣傳，拍片稱有350萬個安全套存貨，仲會提供「買二送一」優惠。日前，艾斯派拿再喺社交平台上載一張一架無人機掛住一個安全套嘅相，表示就快會以無人機喺波哥大同麥德林派送安全套。